Amaitu dituzte Alegiako Larraitz auzoaren ekialdea berritzeko lanak. Obrak, guztira, hamabost hilabete iraun ditu, eta, denera, 1.988.935 euroko kostua izan du. Iazko irailean hasi zituzten lanak eta helburu izan dute «herritarren bizi kalitatea hobetzea». Horretarako, irisgarritasuna eta auzoak ikastetxearekin zein kiroldegiarekin dituen loturak hobetu dituzte.
Lanen kostuaren % 85 ordaindu du Alegiako Udalak, eta Eusko Jaurlaritzako Erein programatik (zeina Europako Batasuneko FEADER funtsetik hornitzen den), berriz, 300.000 euroko diru laguntza jaso du 2024ko deialdiaren barruan.