Urtearen azken hilabetea dela-eta, aurtengo kuota ordaindu beharko dute Alegiako jubilatuen elkarteko kideek. Gaur zabaldu da ordaintzeko epea, eta abenduaren 16a —hurrengo asteartea— izango da horretarako azken eguna.
Ordainketa egiteko Inaxio Begiristain kultur eta kirol etxeko bigarren solairura joan beharko dute bazkideek, aipatutako egunetan, 11:00etatik 13:00etara. 15 eurokoa izango da ordaindu beharreko kuota, eta nahitaez bazkide txartela eraman beharko dute. Ordaintzearekin batera, opari bat jasoko dute bazkideek.