Talde batean Laiene Pikabea, Mikel Larrañaga, Lierni Osa eta Mikel Lopetegi Urra ariko dira, eta bestean Nerea Arruti, Hodei Ezpeleta, Gari Garnendia eta Maddi Gesalaga. Herri kirol saioa ikusteko aukera dago eta sarrera doan izango da.
Saioak hiru txanda izango ditu. Lehenengoan bakarkako lanak, taldekide bakoitzak aurkako taldeko partaidearen aurka jardun beharko du. Bigarrenean bikotekako lanak edo lan mistoak egingo dituzte, eta gizon eta emakume elkarlanean arituko dira bai harri-jasotzen baita aizkoran ere, aurkako taldeko bikoteen aurka. Azkenik taldeko lan edo lan konbinatua izango da, talde guztia, eta harri-jasotzaile zein aizkolari, gizon nahiz emakume elkarlanean ikusiko dira.
Ondorengo lanak egingo dituzte:
Bakarkako lana
- Gizonezko harri-jasotzailea: 125 kg zilindro zaharra minutu eta erdi.
- Emakumezko harri-jasotzailea: 87,5 kg errektangularra minutu eta erdi.
- Emakumezko aizkolaria: 45 ontzako enborra abiaduran.
- Gizonezko aizkolaria: 60 ontzako enborra abiaduran.
Binakako lanak
- Harri-jasotzaileek: 112,5 eta 62,5 kg-ko kubikoarekin 35 jasoaldi ematera.
- Aizkolariek: 45 ontzako enborra emakumeak + kanaerdikoa txanda librean + 45 ontza zutik gizonezkoak.
Lan konbinatua, 4 itzuli
- Harri-jasotzaileek 100 eta 63,5 kg-ko bolari 16 jasoaldi (4-4-4-4) + aizkolariek 60 ontzako enborra txanda librean (gutxienez 15 kolpe aldeko).