Lau eta Erdiko Txapelketatik kanpo geratu da Artola, Bakaikoaren aurkako partida 15-22 galdu ostean. Final-zortzirenetako lehen partida zen, atzo Alegiako Elorri pilotalekuan jokatu zutena.
Alegiarra txapelketako faboritoetako bat zen arren, ezin izan du Etxarri Aranazkoaren aurka. Aurretik hiru partida jokatu dituzte elkarren aurka txapelketa desberdinetan, eta hiruretan Artola izan da garailea. Gaurkoan, ordea, Bakaikoak Artola mendean hartu du, eta final laurdenetarako txartela lortu du. Dario eta Zabalaren arteko gaurko partidako irabazlea izango du partida horretan aurkari.