Lau eta Erdiko Txapelketako partida izango da, final-zortzirenetako kanporaketa, eta irabazlea final laurdenetako ligaxkarako sailkatuko da. Multzo-buru bezala Altuna eta Peña daude talde horretan eta laugarren pilotaria Darioren eta Zabalaren arteko kanporaketatik aterako da.
Jaialdia 19:30ean hasiko da, eta lehenik Lau eta Erdiko Txapelketako B serieko partida bat jokatuko dute Eskirozek eta Morgaetxeberriak. Sarrerak kultur etxean erosi daitezke, bihar 11:00etatik 13:00etara. Bestela, ostiralean, partidaren aurretik, 18:30etik aurrera pilotalekuan bertan edo Internet bidez.