Alegiako Mendi Asanblada eta Intxurre elkartea Amaiurrera irteera antolatzen ari dira urriaren 19rako —igandea—. Alegiatik autobusez 09:00etan abiatuko dira Erratzura eta, handik, ordu eta erdi inguruko ibilaldia egingo dute Amaiurrera. 12:00etan iritsi eta hamaiketakoa egin ostean, 12:30etik 14:00etara bisita gidatua izango dute Amaiurko gazteluan. 14:30ean bazkaldu eta 16:30ean Alegiara itzuliko dira autobusez.
Adin guztietako pertsonei egokituriko irteera da eta hamaiketakoa zein bazkaria norberak eraman beharko ditu. Antolatzaileek azaldu dutenez, interesatuek alegiakomendiasanblada@gmail.com helbidera idatzita eman behar dute izena eta ordaindu beharrekoa parte hartzaile kopuruaren araberakoa izango da. Mendiko arropa eta oinetakoak eramatea gomendatu dute.