Bi hilabeteko eskaintza betea

Alegiako Udalak egitarau bete-betea prestatu du irailerako eta urrirako. Urria amaitu bitartean zazpi ekintza eskainiko dituzte herrian «adin guztietako herritarrei zuzenduta». Askotariko hitzorduak antolatu dituzte, horien artean, ipuin-kontaketak, azokak eta kirol ekitaldiak. 

Datozen asteetako eskaintzari dagokionez, udaletik bi jarduera nabarmendu dituzte, batetik, igandeko —hilaren 28ko— artisauen eta nekazarien azoka berezia; eta, bestetik, urriaren 3an Iñaki Artolak herrian jokatuko duen lau t’erdiko pilota txapelketako partida.

Iraileko eta urriko kultur egitaraua

• Irailak 21, astelehena
  • Liburutegia topagune: ‘Miniaturazko ipuin erraldoiak’. 
    17:30ean liburutegian.
• Irailak 25, osteguna
  • Irakurle taldea: ‘Olor a tierra’. Mikel Gulina.
    18:00etan liburutegian.
• Irailak 28, igandea
  • XVIII. Alegiako Artisau eta Nekazal Azoka Berezia.
    11:00etatik 14:00etara plazan eta zubian.
• Urriak 3, ostirala
  • Pilota jaialdi profesionala. Iñaki Artolaren lau t’erdiko txapelketako partida.
    19:30ean Elorri pilotalekuan.
• Urriak 11, larunbata
  • Harrijasotzaileen XVII. Txintxarri saria.
    17:00etan plazan.
• Urriak 23, osteguna
  • Liburutegia Topagune: ‘Kobazuloko lamia’.
    19:00etan liburutegian.
• Urriak 31, ostirala
  • Gau Beltza. Txintxarri gaztelekuak antolatuta.