Giroarte dultzaina taldeak girotutako erraldoi eta buruhandien kalejirarekin eman diete hasiera alegiarrek Kalebeherako festei. Ondoren, pilotak hartu du leukoa, helduen esku pilota txapelketako finalekin, eta patata tortilla lehiaketaren txanda izan da ondoren. Gaua Enaitz eta Erkizi trikitilariek alaituko dute, eta tartean ohiko zahagiardoa izango dute. Parranda luzatu nahi duenak, berriz, DJ Nazaren musika izango du.
Jaiak igandera arte luzatuko dira, ondorengo egitarauarekin:
Irailak 13, larunbata
- 12:00. Krosa Roman Ganzarainen omenez. Ondoren bermuta eta piperrak.
- 16:00. Pala txapelketako kanporaketak.
- 17:00. Ume jolasak, zinta karrera eta txokolate jatea. Ondoren, toka txapelketa.
- 20:30. Intxurre futbol taldearen aurkezpena.
- 21:00. Zahagiardoa.
- 23:00. Bertso saioa: Eki Mateorena, Jon Mendiluze, Danel Etxerberria eta Beñat Zeberio.
Irailak 14, igandea
- 12:30. Sagardoa, txorizo egosia eta hirugiharra parrillan.
- 15:00. Herri bazkaria (paella jatea).
- 17:30. Gaztetxoen pilota eta helduen pala txapelketetako finalak.