Asteon Zarautzen jokatutako CaixaBank Masterseko partidan Artolak min hartu zuen eskuin hankako trizeps suraleko soleoan. Alegiako aurrelariak atseden hartu beharko du hurrengo egunetan, eta lesioak zein garapen duen aztertu beharko du.
Gaur Donostian Peña II.ak ordezkatuko du Artola, CaixaBank Masterseko hirugarren jardunaldiko partidan. Abuztuaren 5ean, berriz, Urrutikoetxeak jokatuko du Artolaren ordez Gasteizko Andre Maria Zuria torneoko finalerdian.