XI. Alegiako Pilota Txapelketak, baditu aurtengo irabazleak. Lau eta erdiko finalean, Intxurre Pilota Eskolako bi pilotari aritu ziren nor baino nor: Unax Madina eta Julen Oiarbide hain zuzen ere, eta txapela, Madinarentzat izan zen 22-13ko emaitzarekin.
Binakako finalari dagokionez, Mikel Iturrioz Intxurreko pilotariak; Beñat Azketa pilotari beteranoarekin bikotea osatuta, ezin izan zuten Sarasibar-Arbizu bikotea menderatu. Arbizu, Unax Landa atzelari oiartzuarraren ordezko lanetan aritu zen eta lan bikaina eginda 22-16 irabazi zuten.