Gainean dira Alegiako jaiak, eta dagoeneko azken prestaketa lanekin hasiak dira. Esaterako, uztailaren 18an jubilatuen hamaiketako eta haurren eta nerabeen bazkariak egingo dituzte, eta osteguna baino lehen eman beharko da izena, udaletxeko webgunean dagoen formularioa betez. Hamaiketakoaren kasuan, jubilatuen egoitzan eta kultur etxean egongo dira zerrendak. Haurren bazkarian LH1etik LH6ra bitartekoek eta nerabeen bazkarian DBH1etik DBH4ra bitartekoek eman ahalko dute izena.
Horrez gainera, sokamuturrean udaletxeko balkoian egoteko zozketa zabaldu dute. Haurrek eta 70 urtetik gorakoek eman ahalko dute izena, epe eta leku berean.