Oinarria antzerki topaketaren barruan Alegiako haurrek igandean —ekainaren 1ean— eskaini behar duten emanaldia orduz aldatu dute. Hasiera batean arratsaldean egin behar zuten, baina 12:00etara aurreratu dute emanaldia, «egun eta ordu bertsuan» Iñaki Artola pilotari alegiarrak buruz buruko txapelketako finala jokatuko duelako.
Ikuskizuna Inaxio Begiristain kultur etxean izango da eta Bea Larrañagaren zuzendaritzapean ariko dira gaztetxoak.