Alegiako Jubilatuen elkarteak Elizondora eta Dantxarineara irteera bat egingo du maiatzaren 21ean. Alegiatik 9:15ean aterako dira autobusez eta Elizondon egingo dute lehen geldialdia, hamaiketakoa egiteko. Ondoren, eguerdian, Dantxarineara joango dira eta 14:30ean bazkaria izango dute bertan. Bazkalostean, berriz, bingoa eta dantzaldia izango dituzte.
Irteerara joateko txartelak aurrez eskuratu behar dira, eta eskuragarri daude gaurtik —hilaren 5etik— maiatzaren 10era —larunbatera—. Txartelak elkartearen egoitzan hartu beharko dira, 11:00etatik 13:00etara. Bazkideek 40 euro ordaindu beharko dituzte eta bazkide ez direnek, berriz, 43.