Alegiako Udalak udaletxeko arkupean hainbat pertsonek pixa egiten dutela sumatu du eta jarrera hori «onartezina» dela seinalatu du: «Alde batetik, osasun eta higiene ikuspegitik, eremua zikintzen delako; eta, bestetik, ibai ondoko pasealeku alderako pasabidea delako eta haur asko ibiltzen delako eremu horretan jolasean».
Zentzu berean, nabarmendu du indarrean dagoela zibismoaren inguruko ordenantza bat, eta debekatuta dagoela eremu publikoan txiza egitea. Eta hari berari tiraka ekarri du gogora komun publikoak erabilgarri daudela taxi geralekua dagoen plazan, lurrazpiko pasabidearen ondoan, eta horiek erabiltzeko eskatu dute.