Alegiako Udalak behin behineko aparkaleku bat egokitu du Fabrensa industriagunearen parean. Larraitz auzoko ekialdeko lanak direla eta, auzoan eta inguruan aparkatzen diren ibilgailuak leku horietatik mugitu egin beharko dira zoladura altxa behar dutelako. Hori horrela, inguru horretan aparkatuta dauden ibilgailuentzako, behin-behineko konponbide modura, Fabrensa industriagunearen ondoan dagoen eremu bat aparkaleku modura egokitu dute.
Larraitz auzoko ekialdeko lanen ondorioz autoak lekuz mugitu beharko dira, eta horregatik zabaldu du udalak aparkaleku berri hori.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!