Txintxarri abesbatzaren ekimenez, aurten ere herritar talde bat kalera aterako da otsailaren 4an, Santa Ageda bezperan abestera. Saioa prestatzeko, berriz, bihar arratsaldean egingo dute entsegua kantuan atera nahi duten guztiekin, kultur etxeko areto nagusian, 20:00etan.
Kalez kale abestuko dutenez gain, otsailaren 4an bertsolariak ere izango dira koplak kantatzen; eta herriko bertso eskolako kideek ere botako dute koplaren bat edo beste. Hori gutxi ez, eta guztiei lagunduko diete herriko akordeoi-jotzaileek eta trikitilariek.
Otsailaren 4an, Santa Ageda bezperan, 18:00etan aterako da taldea Larraitz auzotik.