Alegiako Festa Batzordeak uztaileko jaiak antolatzeko lehen bilera irekia egingo du gaur, 17:30ean, kultur etxean. Alegiako Udalak adierazi du herritar zein eragile guztien ekarpenak eskertuko dituztela, eta, zentzu horretan, gonbidapena luzatu du hitzordura bertaratzeko.
Gaur bilerara joan ezin dutenek, berriz, telematikoki egin ahal izango dituzte ekarpenak, hiru bide erabiliz: batetik, kultura@alegia.eus helbidera idatzita; bestetik, udalaren webguneko iradokizunen atala erabilita; eta, azkenik, mugikorrerako udalaren aplikazioaren bidez.