Alegiako Udaleko Kultura-batzordeak asteon hasi eta inauterietara bitarteko kultur egitaraua prestatu du. Adierazi dutenez, eskaintza «ahalik eta zabalena» osatzen ahalegindu dira batzordeko kideak eta denetariko jarduerak izango dituzte martxoaren 2ra bitartean.
Askotariko hitzorduak prestatu dituzte, horien artean, erakustaldiak, kontzertuak, tailerrak, dokumentalak eta hitzaldiak. Jarduera bakoitza egiteko eguna iritsi ahala, Alegiako Udalak hari buruzko xehetasunak jakinaraziko dizkie herritarrei ohiko kanalen bidez.