Alegiako Mendi Asanbladak irteera antolatu du urtarrilaren 19an, Ttutturrera. Urteko lehen jarduera izango da, eta 8:30ean kotxeetan Alegiatik abiatu eta Intzarako bidea egingo dute. Bertatik, 1281 metroko garaiera duen Ttutturre mendira igoko dira eta eguerdirako bueltan izango dira.
Parte hartzeko beharrezkoa da aurretik izena ematea, eta urtarrilaren 16a izango da horretarako azken eguna. Izena eman daiteke Iskiña tabernan, kultur etxean edo esteka honetan.
Asanbladatik adierazi dute laguntzeko prest daudenek edo irteeraren bat antolatu nahiko luketenek alegiakomendiasanblada@gmail.com idatzi behar dutela harremanetan jartzeko.