Aurrera doa Alegiako Elorri pilotalekuan jokatzen ari den Eguberrietako 2. Pala Txapelketa, eta bigarren jardunaldian hiru partida jokatu ziren. Horietako bi gizonezkoetan, eta lehenengoan Xalbador anaiek 25-18 irabazi zioten Zufiria eta Zabalari. Bestean, Errasti eta Rodriguezek 18-17 irabazi zioten Lizaso eta Aldalurri.
Emakumezkoetan lehen finalerdia jokatu zen, eta bertan Ekiñhe Balerdik eta Ainhoa Ugartemendiak 25-18 irabazi zieten Maddi Iriondo eta Anne Agirreri. Bertaz, Balerdi eta Ugartemendia izango dira urtarrilaren 3ko finalean.
Ostiral honetan, hilak 27, 18:30ean hasita, txapelketaren hirugarren jardunaldia jokatuko da, eta bertan erabakiko da zein izango diren finalista guztiak. Lehenengo partidan, Salegi-Goitia eta Xalbador anaiak ariko dira elkarren aurka; bigarrengoan, Uxue Olano-Nagore Murua eta Enara Mazisidor-Garazi Urdangarin, eta hirugarrengoan Errasti-Rodriguez eta Ganix-Luluaga.