Alegiako liburutegiak, aurten lehenengoz, ipuin-lehiaketa jarri du martxan eta joan den ostiralean banatu zituzten sariak. Adinaren arabera hiru mailatan lehiatu dira parte hartzaileak eta, guztira, 98 lan aurkeztu dituzte. Kategoriaren arabera hitz-kopuru ezberdin bat zuten muga ipuinek eta, guztiek ala guztiek, Txarli Gesteira alegiarraren ilustrazio bat izan dute abiapuntu.
Hori horrela, D kategorian —DBH-3 eta 4— Udane Altunak jaso du lehen saria, eta Ane Labakarentzat izan da bigarrena; B kategorian —DBH-1 eta 2— Ortzi Mujikak jantzi du txapela, eta Lucia Urdangarinek jaso du bigarren saria; eta A kategorian —LH-4, 5 eta 6— Haitz Ariznabarretak jaso du lehen saria, eta Yelizaveta Kriskovak, bigarrena.