Amaitu dituzte Inaxio Begiristain Kultur eta Kirol Etxeko lanak, eta gimnasioko bazkideek ohiko ordutegian erabili ahal izango dute hemendik aurrera. Hain zuzen, astelehenetik igandera, 7:00etatik 20:30era, egongo da zabalik gimnasioa eta erabiltzaileek sartzeko txartelak eguneratu egin beharko dituzte. Eguneratze hori bi modutan egin ahal izango dute: batetik, udaletxeko sarrera nagusiaren alboan dagoen aktibatzailetik pasata; eta, bestetik, kultur etxean —berau zabalik dagoen ordutegian—.
Datozen asteetan, ordea, Gabonak direla-eta aldatu egingo da kultur etxeko ordutegia. Abenduaren 23an —datorren astelehena— 15:00etatik 21:00etara egongo da irekita. Kontrara, itxira egongo da abenduaren 24tik urtarrilaren 1era, biak barne. Urtarrilaren 2tik aurrera, berriz, ohiko ordutegia berreskuratuko du, hau da, goizez, 10:00etatik 13:00era eta, arratsaldez, 15:00etatik 21:00etara.