Alegiako Udalak Tokiko 2030 Agenda Plana definitzeko prozesua jarri du martxan. 2030 Agenda Nazio Batuek 2015. urtean onartu zuten mundu mailako agenda da, non planetaren arlo ezberdinetako erronkei erantzuna emateko Garapen Jasangarrirako Helburuak (GJH) diseinatu diren eta munduko herrialde, eskualde, udalerri, eta erakunde ezberdinei parte hartzeko aktiborako deia egiten dien.
Momentu honetan Alegiako Udala herriko «erronkak, beharrak eta aukerak» identifikatzen ari da, besteak beste. Eta, hain zuzen, horretarako laguntza eskatu die herriko eragileei eta norbanakoei: «Herriko errealitate ezberdinak ezagutzen dituzue eta, aldi berean, ikuspuntu ezberdinetatik begiratzen diozue herriari. Zuetako bakoitzaren ikuspuntuak gainontzekoena osatu eta aberastu dezake eta horrek sekulako garrantzia du etorkizuneko Alegiari itxura
ematen joateko garaian».
Herriko eragileen parte hartzea «oso garrantzitsua» dela iritzita, udalak parte hartzera gonbidatu ditu ostegunean, hilaren 14an, egingo duen saio irekira. Herriko kultur etxean egingo dute bilera eta 18:15ean hasiko da.