Bigarren edizioa du aurten Alegiako Anormalan Eunek, eta gurpil gainean hasi dute ospakizuna. Goizean Marotias bizikleten topaketa izan dute eta eguraldia alde izan ez badute ere, ez da oztopo izan: herrian itzuli pare bat eman dituzte bizikleten gainean eta, ondoren, udaletxeko plazan elkartu dira. Bertan ikusgai izan dira Marotias bizikleta gehiago, eta herritarrak gerturatu ahala, zintakarrera ere egin dute; berezitasun batekin, ordea, bizikletan gainean egin baitute hori ere.
Bazkaria izango dute eguerdian, eta arratsalderako ere antolatu dituzte jarduera gehiago, hain zuzen, haurrentzako zirku tailerra, xaboi ponpa eta puxikekin; erromeria, Garik eta Iñakik alaituta eta, ondoren, Oriako Alaitasuna Jai Sistem Kolektibe.
