Alegian alzheimerraren gaia lantzeko bi hitzordu antolatu dituzte datorren asterako. Asteartean, urriaren 29an, hitzaldia antolatu du Buru Bihotzez elkarteak eta solasean ariko dira Axun Esnaola elkarteko idazkaria eta Trini Palau zaintzaile profesionala. Kultur etxean egingo dute, eta hitzordua 17:00etan hasiko da.
Bigarren jarduera, berriz, asteazkenean, hilaren 30ean, izango dute: ¿Y tu quien eres? filmaren proiekzioa. Alegiako zinean izango da eta 17:30ean hasiko da emanaldia, Txintxarriak Martxan taldeak antolatuta. Bi hitzorduak elkarlanean antolatu dituzte Alegiako Udalarekin.