Joan den irailean hasi zen Alegiako Udala Larraitz auzoko ekialdean berritzeko hainbat lan egiten. Udalak berak aitortu du obra horren ondorioz auzoan aparkatzeko zailtasunak ari direla izaten herritarrak: «Udala arazo horien jakitun da, baina azken egunetan autoak edukiontzien parean aparkatuta ikusi dira, Errotatxoren parean. Bada, udaletik gogorarazi nahi da ezin dela edukiontzien parean aparkatu».
Udaletik aipatu dutenez, hondakinen edukiontzien parean autoak baldin badaude, bilketa kamioiek ezin dituzte hustu; eta hori dela-eta eskatu diete herritarrei edukiontzien parean ez aparkatzeko: «Hilabete batzuetako kontua izango da eta erabiltzaileei ulermena eskatu nahi zaie».