Gaur zabaldu da epea izena emateko irailaren 29ko azoka berezian postua jartzeko, kultur etxeko jardueretan parte hartzeko eta Txintxarriak Martxanen denboraldi berriko kide izateko. Lehen bietan Alegiako Udaleko webgunearen bidez eman behar da izena eta, adinekoen ibilaldietarako (Txintxarriak Martxan), gizarte zerbitzuen bulegoan.
Kultur etxetik hiru ikastaro antolatu dituzte, hain zuzen, Cardio dance, pilates eta hirugarren adinekoen gimnasia. Horiez gain, udaletxeko gizarte-zerbitzuek memoria lantzeko tailerra ere antolatu dute, eta horretan ere gaur zabaldu da izena emateko epea.
Interesa duenak Alegiako Udaleko web orrialdean du eskuragarri informazio gehiago.