Txintxarriak Martxan ekimena 2024-2025 ikasturteari begirako prestaketa lanak egiten ari da. Adineko pertsonak ariketa fisikoa egitera eta elkarren arteko harremanak sustatzera bultzatzea helburua duen egitasmoa irailaren 19an abiatuko da. Ohi bezala, ostegunero egingo dira irteerak 11:00etatik aurrera eta ibilaldien ostean hamaiketakoa izango dute parte hartzaileek.
Txintxarriak Martxan denboraldi berrian parte hartu nahi dutenek irailaren 2tik 18ra eman beharko dute izena, udaletxeko gizarte zerbitzuen bulegoan, astelehenetik ostegunera 9:00etatik 13:00erako ordutegian.
