Joan den ostiralean lesionatu zen Iñaki Artola, Arrasaten jokatu zuen partidan. Hurrengo kanporaketa Jon Ander Peñaren aurka jokatu behar zuen, hau da, San Fermin Lau eta erdiko Txapelketako final-laurdenetako kanporaketa. Baikotik azaldu dutenez, orain Artolak fisioterapia tratamendua hasiko du.
Peña tolosarrak, beraz, txapelketan aurrera jarraitzen du, eta finalerdietan Jaka edo Laso izango du aurkari.
Sarreren dirua
Intxurre pilota eskolatik ere albistea baieztatu dute. Jaialdiko sarrerak erosi dituztenek ondorengo bi egunetan izango dute dirua berreskuratzeko aukera. Bihar, asteazkena, 19:00etatik 20:30era egongo dira kultur etxean Intxurreko kideak. Ostegunean ere gauza bera egingo dute, leku eta ordu berean.