Gaur zabaldu da epea Sutarri dantza taldean izena emateko. Ekainaren 21era bitarte egongo da zabalik matrikulatze aldia, eta bost urtetik gorakoek eman ahal izango dute izena datorren ikasturterako.
Izena emateko matrikula orria bete behar da Alegiako kultur etxean eta, bestela, 616 648 413 telefono zenbakian eska daiteke, Whatsapp bidez. Izatez, Alegiarrei luzatu diete eskaintza, baina inguruko herrietakoek parte hartu nahiko balute, zabalik dute aukera «baldintza berdinetan».