Intxurre Kultur eta Kirol Elkarteak berritu du Intxurre mendiko buzoia; zehazki, tapa eta plaka berritu dituzte
Intxurre mendiko buzoia berritu du Alegiako Intxurre Kultur eta Kirol Elkarteak. Elkartetik adierazi dutenez «aspaldian» tapa eta plaka «nahiko puskatuta» zituen buzoiak, eta berritzea erabaki dute. Joxe Mari Elola eta Javier Eceiza arduratu dira konponketa lanak egiteaz, eta elkartetik eskerrak eman dizkiete lanketan parte hartu duten guztiei.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!