Intxurreko gizonezkoen gorengo jubenil taldeak denboraldia birbildu nahi du asteburu honetan. Dagoeneko mailaz igotzea lortu dute, eta datorren denboraldian ohorezko mailan izango dira. Klubean lehen aldiz izango dute jubenilen taldea maila horretan. Igoera lortuta, orain ligaren finala irabaztea izango dute helburu. Bihar, larunbata, izango dute final hori, Donostiako Matigoxategi futbol zelaian, eta 17:00etan hasiko da. Aurkaria Trintxerpe taldea izango da.
Klubak autobusa antolatu du finala ikustera joateko. Autobusa 16:00etan aterako da, eskolen paretik. Pertsona bakoitzeko 5 euro ordaindu beharko da.
Senior gorengo maila, kopako finalerdietan
Intxurreko senior mailako gizonezkoen taldea gorengo mailako Gipuzkoako Kopa jokatzen ari da eta bihar izango du finalerdia. 16:00etan hasiko da partida, Astigarragako Mundarro zelaian, eta aurkaria etxeko taldea izango dute.