Aurten ere udako pilota eskola antolatzen ari da Intxurre Pelota Eskola eta, dagoeneko, eman daiteke izena. Ikastaroan izena emateko datuak bidali behar dira udakopelotaeskola2021@gmail.com helbide elektronikora eta ekainaren 6a izango da horretarako azken eguna.
Bost urtetik hasi eta hamabi urtera bitarteko neska-mutilei zuzenduta dago ikastaroa. Ekainaren erdialdean hasiko dituzte saioak eta uztailean zehar astean behin arratsaldez –eguna izen-emateen arabera zehaztuko da– izango da Ikaztegietako frontoian.
Intxurre Pelota Eskolako kideak izango dira irakasle, eta ikastaroak 15 euroko prezioa izango du. Izena emateko bete beharreko datuak:
- Izen-abizenak
- Adina
- Ikasturtea
- Harremanetarako telefono zenbakia
- Posta elektronikoa
Antolatzaileek azaldu dute izena ematen dutenen gurasoekin jarriko direla harremanetan xehetasun gehiago emateko; eta zalantzarik izanez gero posta elektronikora idazteko gonbidapena ere egin dute.