Datorren astearte gauean, maiatzaren 14an, bi noranzkoetan erabat itxita egongo da errepidea Alegiako 431. irteeratik –Gasteizko noranzkoan, lehen irteera– GI-2131 eta GI-2133 errepideen arteko elkarguneraino –Altzora edo Amezketara joateko errepidearen elkargunea–.
Inguru horretako errepideko zorua konpontzeko lanak egin behar dituztela-eta, maiatzaren 14ko 22:00etatik hurrengo eguneko 06:00etara moztuko dute bidea. Lanek iraun bitartean Alegiara joateko edo bertatik ateratzeko Gasteizko noranzkoan bigarren irteera erabiltzea gomendatu dute. Altzotik eta Amezketatik N-1 errepidera doazenek ere hortik egin beharko dute joan-etorria.