Gipuzkoako Bertsozale Elkarteak Gelatik Plazara ekimena jarri zuen iaz abian «tokian tokiko bertso eskoletako ikasleek elkar ezagutu eta gela barrutik plazara jauzi egiteko zubi lana helburu».
Iaz arrakasta handia izan zuen eta 170 gaztetxok hartu zuten parte. Proiektuak berez sariketa formatua du. Iaz eskualdeka planteatu zen eta aurten beste itzuli bat eman diote, finala egun eta herri bakarrera ekarrita.
Oñatin abiatu zen otsaila amaieran ekimena eta Aretxabaletan amaituko da apirilaren 28an, Gipuzkoako Bertso Eskolen Egunean. Ostiralean, martxoaren 8an, Alegiako kultur etxean egin zuten Tolosaldeko saioa eta Amasa-Villabonako taldeak lortu zuen finalerako txartela.
Finalak, aipatu bezala, Aretxabaletan jokatuko dira apirilaren 28an.