Otsailaren 7tik ikusgai dago Alegiako Kultur Kabinan Fernando Rojo argazkilari tolosarraren argazki-erakusketa. Munduko begiradak du izena mostrak, eta Rojok azaldu duenez «begirada bat munduari eta, era berean, irribarre bat munduko bazterretatik hona» jaso nahi izan du irudietan. Erakusketaren aurkezpenean izan zen argazkilaria, eta irudiekin lotuta hainbat istorio kontatu zizkien bertaratu zirenei. Argazkiak ikusgai egongo dira martxoaren 23ra bitarte.