Otsailaren 21ean ziurtagiri digitalen inguruko saio bat egingo dute Alegiako kultur etxean, 17:00etan. Espainiako gobernua administrazioa «herritarrengana hurbiltzeko» saioak egiten ari da eta, egun horretan, bertaratzen diren herritarrek aukera izango dute ziurtagiri digitalak unean bertan egiteko eta eskuratzeko.
Saio horretan erregistro elektroniko orokorrean, justizia ministerioan, unibertsitateen ministerioan, atzerritartasun bulegoan eta IMSERSOko programetan egin daitezkeen izapideen inguruan hitz egingo dite eta herritarrek dituzten galderak eta zalantzak argitzeko aukera ere izango dute.
Alegiako Udalak nabarmendu du saioa «librea eta doakoa» dela, eta bertaratzeko dei egin die herritarrei, ziurtagiri digitala eskuratzeko Alegian «beste aukerarik ez delako».