Bihar, osteguna, Alegiako Udalak abenduko ohiko osoko bilkura egingo du. Urte honetako azkena izango da, udaletxeko bilkura aretoan egingo dute, eta 19:00etan hasiko da. Landuko dituzten gaien artean daude 2024ko udal aurrekontua eta Euskal Herriko Pentsiodunen Elkarteak aurkeztutako mozio bat.
Udaletik gogorarazi dute saioak irekiak izaten direla, eta herritar orok bertatik bertara jarraitu ahal izango duela.