Plaza dantzen ikastaroa egingo du urtarriletik martxora Alegiako Sutarri dantza taldeak. Saioak astearte arratsaldeetan izango dira 19:30etatik 20:30era, eta fandangoa eta arin-arina irakatsiko dituzte, besteak beste. Ikastaroa urtarrilaren 9an hasiko da, eta martxoaren 26ra bitarte iraungo du.
Hamasei urtetik gorakoentzat antolatu dute, eta aurrera egiteko, gutxienez, sei parte hartzailek eman beharko dute izena.
Izena emateko epea abenduaren 14tik 28ra zabalduko da eta bi modutan egin ahal izango da: aurrez aurre kultur etxean edo telefonoz 616 648 413 zenbakira idatzita. Ikastaroak 60 euroko prezioa izango du.