Alex Txikon alpinistak hitzaldi bat eskaini zuen atzo arratsaldean kultur etxean, Alegiako Mendi Asanbladak antolatuta. ‘Manaslu neguan’ izeneko liburua aurkezten ari da eta lan horren inguruan aritu zen kultur etxeko areto nagusian.
Horrez gain, orain arte egin dituen espedizioetako bizipenak ere kontatu zituen eta datorren astean abian jarriko duen erronka berriaren inguruan ere aritu zen. Neguko igoeretan murgilduta dabil azken urteetan eta datorren astea abiatuko da Annapurna mendiko tontorra zapaltzea helburu izango duen espedizio batean.
Hitzaldiaren amaieran liburuak eta posterrak sinatu zituen Txikonek eta Alegiako Mendi Asanbladak eskerrak eman dizkie hitzaldira hurbildutako herritarrei.