Alegiako Udalak Guraso Txokoa zerbitzua jarri du martxan: 0tik HH5 bitarteko haurrei zuzendutako zerbitzua. Astelehenetik ostiralera 16:00etatik 18:00etata martxan izango da eta, gehienez, 20 haur egon daitezke gela barruan batera. Uneoro, gutxienez, heldu bat egongo da gelan eta gehienez bost haur egon daitezke heldu bakar batekin; pertsona heldu hori izango da bertan dauden haurren arduradun. Haurrek gela barruan egon beharko dute denbora guztian, eta edukiera betetzen bada, gehienez ordubete egon ahal izango da Guraso Txokoan.
Kultur etxeko hirugarren solairuko 3. gelan kokatuta dago. Garbiketaren inguruan, eguneroko garbiketa erabiltzaileen esku geratzen da eta astean behin, garbiketa sakonagoa egin beharko da.
Izena emateko orria betetzea eta aurkeztea da zerbitzua erabiltzeko baldintza bakarra. Lotura honetan eskuratu daiteke izena emateko orria.