Iñaki Artolak handia egin du gaur Tafallan. Partida ia galdurik izan du alegiarrak, baina bigarren atsedenalditik bueltan, tanto guztiak egin eta 22ra iristea lortu du.
Partida hasiera orekatua izan da. Zortzina ere berdindurik joan dira, baina hor tartea zabaldu du Elordik. Dena galdurik zegoela zirudien, markagailuak 12-18koa erakusten zuenean. Dena ilun izan arren, partidatik ez da atera alegiarra eta ligaxkako lehen garaipena lortu du.
Bihar jokatuko dute Altuna III.ak eta Peña II.ak euren arteko lehia Eibarko Astelena pilotalekuan. Amezketarrak eta tolosarrak garaipen bana dute finalerdietako ligaxkan.