Festa giroan ospatu dute azoka, Alegian. Hamaseigarren edizioa izan dute aurtengoa, eta inoiz baino postu gehiago izan ditu. Hain zuzen, 30 postu inguru jarri dituzte, barazki, pintxo, postre, kosmetika, artisau eta denetariko postuekin. Mokadutxorako tartea ere izan dute gerturatu diren herritarrek, izan ere, talo postuak ere ez du hutsik egin.
Orain arte plazan eta taxi geltoki inguruan egiten zuten azoka, baina aurten postu gehiago izan direnez, Kalebehera aldera luzatu dute azoka.