XVI. Artisau eta Nekazal Azoka Berezia egin dute goizean Alegian; 30 postu inguru izan dira guztira.
Festa giroan ospatu dute azoka, Alegian. Hamaseigarren edizioa izan dute aurtengoa, eta inoiz baino postu gehiago izan ditu. Hain zuzen, 30 postu inguru jarri dituzte, barazki, pintxo, postre, kosmetika, artisau eta denetariko postuekin. Mokadutxorako tartea ere izan dute gerturatu diren herritarrek, izan ere, talo postuak ere ez du hutsik egin.
Orain arte plazan eta taxi geltoki inguruan egiten zuten azoka, baina aurten postu gehiago izan direnez, Kalebehera aldera luzatu dute azoka.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!