Alegiako kultura batzordea udazkeneko ekitaldiak prestatzen hasi da, eta urtaro aldaketaren bueltan, Artisau eta Nekazal Azoka Berezia antolatu dute irailaren 24rako. 11:00etatik 14:00etara bitartean egongo dira postuak plazan. Posturen bat jartzeko interesa dutenek irailaren 7tik 15era bitartean eman beharko dute izena. Hilaren 7an, 9:00etan zabalduko da epea.
Interesatuek udal webgunearen lehen orrian topatuko dute izena emateko galdetegia. Erantzuterakoan, postuan eskainiko diren produktuen eta beharrezko zaizkien azpiegituren berri ere eman beharko dute. Interesa duen orok eman ahal izango du izena eta epa amaitu aurretik udalak eskura dituen mahaiak agortzen badira, izena emateko aukera itxi egingo da.