Uztaileko lehen asteburua berezia izaten da Alegiako jubilatuen elkartearentzat. Urtero bazkideen bazkaria egiten dute eta aurtengoa ez da salbuespena izan. 70 lagunetik gora elkartu ziren igandean, kultur etxean bazkaltzeko. Giro ederrean bazkaldu zuten eta bazkalostea ere atsegina izan zen. Elkarteak, adinez nagusienak diren bazkideak omentzeko ere baliatzen du asteburu hori. Aurten, Javiera Zubillaga eta Juan Jose Aiestaran izan dira bazkide omenduak. Regina Sorarrain Alegiako alkatea eta Jesus Ruiz jubilatuen elkarteko zuzendaritzako kidearen eskutik jaso zituzten oroigarriak.
Adinez nagusienak diren bazkideei ematen zaizkien oroigarriak Javiera Zubillagari eta Juan Jose Aiestarani eman zizkieten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!