Aurrera Alegia taldeak irabazi zituen udal hauteskundeak Alegian eta taldeak eskerrak eman nahi dizkie herritar guztiei, beraiengan «jarritako konfiantzagatik». Regina Sorarrain zerrendaburuak parte hartzea nabarmendu du: «Argi ikusi da udal hauteskundeetan parte hartzeari garrantzia eman diola herriak, abstentzioa inguruko herrietako baxuena izan baita Alegian». Abstentzioa %25,6koa izan zen.
2019ko udal hauteskundeetatik 40 boto gehiago jaso dituztela ere gehitu du Sorarrainek, eta esan du hori ere «poztekoa» dela.
Kargu hartze ekitaldia larunbat honetan izango da, 12:00etan, udaletxeko pleno aretoan. «Ekitaldi irekia denez, herritar guztiak gonbidatu nahi ditugu bertaratu daitezen».