Intxurreren golak Egoi Irazustabarrenak eta Hatimek sartu zituzten. Intxurre babestera ehun bat lagunetik gora joan ziren eta «giro oso ona» sortu zuten, klubetik azaldu dutenez eta laguntza hori eskertu die. Orain dela 27 urte,1995-96 denboraldian, lortu zuen Intxurrek aurreko Gipuzkoako Kopa.
Larunbatean bertan, herriko plazan denboraldi amaierako jaia ospatu zuten afaritxo batekin eta opari banaketarekin. Aurreko astean jubenilek irabazitako kopari eta lortutako igoerari errematea eman diote denboraldiari erregional mailakoek lortutakoarekin.