Aurten ere, Alegiako Intxurre Pilota Eskolak Udako Pilota Eskola ekimena antolatu du. Ekainaren erdialdean hasi eta uztailean zehar luzatuko da. 5 eta 12 urte bitarteko haurrei zuzenduta egongo da, eta astean behin, arratsaldez, elkartuko dira; eguna izen ematearen arabera zehaztuko dute. Irakasleak Intxurre Pilota Eskolako kideak izango dira.
Izena emateko udakopelotaeskola2021@gmail.com helbide elektronikora idatzi behar da, ekainaren 6a baino lehen. Mezu horretan, partaideen zenbait datu idatzi behar dira: izen-abizenak, adina, ikasturtea, kontakturako telefono zenbakia eta posta elektronikoa. Ondoren, pilota eskolako ordezkariak harremanetan jarriko dira izena emandako parte hartzaileen gurasoekin, informazio zehatzagoa emateko. Izen emate bakoitzaren kostua 15 eurokoa izango da.