Maiatzaren 28ko udal hauteskundeei begira, Alegiako EH Bilduk ekitaldia antolatu zuen atzo. Kultur etxean aurrena, programa azaldu zieten gerturatu ziren herritarrei. Ondoren, zubian sostengu argazkia atera zuten, eta azkenik, ekitaldiari zahagiardoarekin eman zioten amaiera.
Edurne Arrayet Garmendia EH Bilduren alkategaiak bideo baten bidez aurkeztu du herri programa. Bertan, Larraitz Ekialderako proiektua; behin betiko osasun etxea; Oria ondoko pasealekua; uda sasoirako ur jolasen parkea; Altzorekin elkarlanerako konpromisoa; hegoaldeko hirigintza proiektua eta osasun publikoa izan ditu hizpide, besteak beste.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!