Behe Nafarroako Bankako menditarrak taldea gonbidatu dute larunbat honetarako alegiarrek. Txintxarri abesbatza kultur elkarteak antolatu duen kantu bazkarian hartuko dute parte. Kantatzeko zaletasunari eusteko antolatu dute ekimena.
Bazkariaren aurretik, kalez kale ibiliko dira kantuan. Kanturako gogoa duten herritarrek aukera izango dute taldearekin batera abesteko. Kaleko ibilbidea amaitutakoan, Intxurre elkartean elkartuko dira bazkaltzeko. Kantuan, akordeoiaren eta gitarraren laguntza izango dute.